15 “Ned* sã n pa maan sɩd ne maam n tudg n kɩɩs noy nins b sẽn kõ a Zeova bõn-sõamyã wã wɛɛngẽ wã,+ a segd n talla pe-raoog sẽn pa tar zang a sẽn yãk rũm-bõonegã sʋk n wa kõ a Zeova, tɩ yɩ taal maoongo.+ Maan-kʋʋdã na n wilga pe-raoogã ligd sẽn zems wanzuri sɩkl* to-to, wa sẽn zems zĩ-sõngã sɩklã.*+ 16 A na n dola yel-wẽndã a sẽn maan n kɩɩs noy nins b sẽn kõ zĩ-sõngã wɛɛngẽ wã. A na n paasa maoongã ligdã pʋɩɩr a ye pʋɩ a nu zugu.+ A na n kõ-a-la maan-kʋʋdã, sẽn na yɩl tɩ maan-kʋʋdã tall taal maoongã pe-raoog n maan paasg a yĩnga,+ la a na n paama sugri.+

6 “Yeel Israyɛll nebã yaa: ‘Rao bɩ pag sã n maan yel-wẽnd a sẽn pa maan sɩd ne a Zeova yĩnga, a* tara taale.+ 7 A* segd n vẽneg n togsa+ a sẽn maan* yel-wẽnd ningã, la a yao ligd ning fãa a sẽn segd n yao n dol a taalã, la a paas ligdã pʋɩɩr a ye pʋɩ a nu zugu.+ A segd n kõo ligdã ned ning a sẽn beegã.