30 “Gom-kãensã fãa sã n wa pids yãmb zutu, barkã la kãab-wẽns nins mam sẽn ning yãmb taoorã+ sã n wa pids yãmb zutu, tɩ yãmb zĩnd buud nins yãmb Wẽnnaam a Zeova sẽn sãeeg yãmbã pʋsẽ+ n tẽeg rẽ,+ 2 n lebg n wa yãmb Wẽnnaam a Zeova nengẽ,+ tɩ yãmb ne y kambã kelg a koɛɛgã ne y sũurã fãa la ne y sɩɩgã* fãa,+ wa sẽn zems bũmb nins fãa mam sẽn togs yãmb rũndã wã, 3 yãmb Wẽnnaam a Zeova na n kɩtame tɩ yãmb neb nins sẽn da be yembdã lebg n wa.+ A na n zoee y nimbãanega,+ la a yiis yãmb buud toɛy-toɛyã yãmb Wẽnnaam a Zeova sẽn sãeeg yãmbã pʋsẽ n le tigmi.+

8 “Dẽ, yãmb na n le kelga a Zeova koɛɛgã, la y tũ a noy nins fãa mam sẽn taasd yãmb rũndã wã. 9 Yãmb Wẽnnaam a Zeova na n kɩtame tɩ tʋʋm nins fãa y sẽn tʋmdã yɩ sõma wʋsg ne-yã,+ n kɩt tɩ y paam kamb la rũms wʋsgo, tɩ y tẽngã bõn-koaadlã me lebg wʋsgo. Bala a Zeova sũur na n le yɩɩ noogo, t’a kɩt tɩ bũmb fãa yɩ sõma ne-yã, wa a sũur sẽn da noom ne y yaab-rãmbã.+ 10 Woto, y na n kelga yãmb Wẽnnaam a Zeova koɛɛgã, n tũ a goamã la a noyã sẽn gʋls Tõogã seb-kãngã pʋgẽ wã. Yãmb na n lebg n waa y Wẽnnaam a Zeova nengẽ ne y sũurã fãa la ne y sɩɩgã* fãa.+

48 b sã n lebg n wa yãmb nengẽ ne b sũur fãa,+ la b sɩɩg* fãa tẽng ning pʋgẽ b bɛɛbã sẽn yõg-b n kẽngã, n tees soolem ning yãmb sẽn kõ b yaab-rãmbã, la tẽng ning yãmb sẽn yãkã ne roog ning mam sẽn me yãmb yʋʋrã yĩngã n pʋʋs yãmba,+ 49 bɩ y zĩnd saasẽ, zĩig ning yãmb sẽn be wã,+ n kelg b pʋʋsgã ne b se-yõkrã, n kao bʋʋdã n sõng-ba,

13 “‘Yãmb na n gẽesa maam n yã,+ bala y na n baoo maam ne y sũur fãa.+