25 “Yãmb sã n wa paam kamb la yagense, n vɩɩmd n kaoos soolmã pʋgẽ, n wa maan bũmb sẽn na n wã yãmba, y sã n pees bõn-naandg+ sẽn wõnd bũmb n maan sẽn yaa wẽng yãmb Wẽnnaam a Zeova nifẽ n beeg-a,+ 26 saasã la tẽngã yaa mam kaset tɩ hakɩɩka, yãmb na n menema soolem ning yãmb sẽn na n dʋʋg Zʋrdẽ kʋɩlgã n tɩ soogã pʋgẽ tao-tao. Yãmb pa na n vɩɩmd be n kaoos ye. Yãmb na n menema gilli.+

17 “La y sũyã sã n wẽnemd n bas Wẽnnaam+ tɩ y pa kelge, n bas tɩ y yam kẽ wẽnnaam-dãmb a taab tɩ y wõgemd b taoor n waoog-ba,+ 18 mam yeta yãmb rũndã tɩ y na n sãamame.+ Yãmb pa na n vɩɩmd n kaoos soolem ning y sẽn na n dʋʋg Zʋrdẽ kʋɩlgã n tɩ soogã pʋgẽ ye.

12 “La yãmb sã n wẽnemd n bas Wẽnnaam, n tabend bu-zẽmsã neb nins sẽn ket yãmb sʋkã,+ n kẽ kãadem ne bãmba,+ la y naag bãmb tɩ bãmb me naag yãmba, 13 bɩ y bãng vẽeneg tɩ yãmb Wẽnnaam a Zeova pa na n kell n dig bu-kãensã* n kõ yãmb ye.+ B na n lebga wa gãmbre, bẽdg la kalwaas yãmb lʋgrẽ wã,+ la b lebg wa gõos yãmb ninẽ wã hal tɩ y menem zãng n bas tẽn-noogã yãmb Wẽnnaam a Zeova sẽn kõ yãmbã.