9 “Israyɛll neba, kelg-y-yã. Rũndã, yãmb rʋʋgda Zʋrdẽ kʋɩlgã+ n na n tɩ rig buud toɛy-toɛy sẽn yaa kãsems la sẽn tar pãng n yɩɩd yãmba,+ n deeg b soolmã. Soolmã tẽns gũbga ne lals sẽn zẽk n kuil saasẽ,+ 2 t’a nin-buiidã yaa bɛd la wogdo. Bãmb yaa Anak neba.+ Yãmb miime la y wʋm tɩ b gomd b yell n yetẽ yaa: ‘Ãnd n tõe n zab ne Anak nebã n tõoge?’ 3 Woto yĩnga, yãmb segd n bãnga rũndã t’a Zeova na n lʋɩɩ yãmb taoor tɩ y rʋʋg kʋɩlgã.+ Yẽ yaa wa bugum sẽn dɩte,+ la a na n sãama bu-kãens fãa. A na n tõog-b-la yãmb nifẽ, sẽn na yɩl tɩ y rig-b tao-tao la y sãam-ba, wa a Zeova sẽn pʋlem yãmbã.+

8 A Zeova yeela a Zozuwe yaa: “Da zoe-b ye.+ Bala mam ninga bãmb fo nugẽ.+ B baa a yembr pa na n tõog n yals fo taoor ye.”+