22 A Zehoyada biig a Benaya+ yɩɩ raood soab sẽn tʋm gãnda-tʋʋm wʋsg Kabzeyɛlle.+ Yẽ n kʋ Mowaab rao a Ariyɛll kom-dibli a yiibã, la a kẽ bok pʋgẽ daar a ye n kʋ gɩgemd sa-lamd niib wakate.+ 23 Leb n yaa yẽ n kʋ Ezɩpt nedã sẽn da yaa nin-wobg t’a woglem yaa kãntɩɩg a nu wã.*+ Ezɩpt nedã ra zãada kãnd sẽn wõnd koeer-bõang a nugẽ,+ la a Benaya talla raoog bal n zab ne-a, n fãag a kãndã n wẽneg n kʋ-a.+ 24 Yaa a Zehoyada biig a Benaya n maan bõn-kãensã. A yʋʋrã ra yii wa pipi gãndaad a tãabã. 25 La baa a yʋʋrã sẽn da yi n yɩɩd gãndaad pis-tã wã sʋkã, a pa ta pipi gãndaad a tãabã zĩigẽ ye.+ La a Davɩɩd yãk-a lame t’a lebg a gũudbã naaba.