15 yãmb segd n yãka rĩm ning yãmb Wẽnnaam a Zeova sẽn na n wilgã.+ Yãmb segd n yãka rĩm yãmb saam-biisã sʋka. Yãmb pa tar sor n na n yãk sãan sẽn pa yãmb saam-biig t’a yɩ yãmb rĩm ye.

17 Sẽn paase, a pa segd n dɩgs pagb wʋsgo, t’a sũurã wa lak n bas Wẽnnaam ye.+ A pa segd me n bao wanzuri ne sãnem wʋsg ye.+

26 Pa bãmb n kɩt tɩ Israyɛll rĩm a Salomo beegã sɩda? Buud ka tɛkã sʋka, rĩm da ka be sẽn yaa wa yẽ ye.+ Sẽn paase, a Wẽnnaamã ra nong-a lame,+ hal n kɩt t’a lebg Israyɛll tõrã rĩma. La bu-zẽmsã pagb kɩtame tɩ baa yẽ meng beege.+