2 “‘Ned* sã n tall kood biis kũun+ n wa na n kõ a Zeova, a kũunã segd n yɩɩ zom-bãanega. A segd n walga kaam zom-bãanegã zugu, la a rogl wisd sẽn yaa pɛɛlg a zugu.+ 2 Rẽ poore, a na n talla kũunã n wa kõ a Aarõ kom-dibli wã sẽn yaa maan-kʋʋdbã. Maan-kʋʋdã na n yãka zomã ne kaamã sẽn kalem taabã nug-pidingu, la a yãk wisdã sẽn yaa pɛɛlgã, tɩ makd kũunã tõre.*+ A na n yõoga rẽ tẽn-kugrã zug t’a bug-zõosã nusi, tɩ yɩ kũun b sẽn yõogd ne bugum, tɩ tar yũ-noog* a Zeova yĩnga.