2 La mam modga ne m pãng fãa n segl bũmb toor-toor mam Wẽnnaamã roog yĩnga. Yaa sãnem, sãnem tʋʋmã yĩnga, wanzuri, wanzuri tʋʋmã yĩnga, zũudu, zũud tʋʋmã yĩnga, kutu, kut tʋʋmã yĩnga,+ raado,+ raad tʋʋmã yĩnga, onigs kuga, kug b sẽn na n tall tãn-maas n tablg b taaba, kug-bõones sẽn tar kõbg buud toor-toore, kug-neeb buud fãa, la albatr kug wʋsgo. 3 Sẽn paase, mam sẽn nong mam Wẽnnaamã roogã+ yĩnga, mam dɩkda m meng paoong+ sẽn yaa sãnem ne wanzuri n na n kõ mam Wẽnnaamã roog yĩnga, n paas bũmb nins fãa mam sẽn segl ro-sõngã yĩnga: 4 Yaa Ofɩɩr sãnem+ talã* tus a tãabo, wanzuri b sẽn yɩlg talã tus a yopoe, sẽn na yɩl n bol rotã lalse,