10 A Zeova sũur yɩɩ noog ne a Salomo sẽn kos bũmb ningã.+ 11 Rẽ n so tɩ Wẽnnaam yeel-a yaa: “Fo sẽn kos bõn-kãngã n pa kos yõ-woko, arzɛk wall f bɛɛbã kũumã, n kos bãngr sẽn na yɩl n bʋ ne tɩrlmã,+ 12 mam na n maana bũmb ning fo sẽn kosã.+ Mam na n kõ-f-la yam ne bãngr+ ned baa a ye sẽn zɩ n paame, sẽn deng foo bɩ sẽn na n yaool n wa fo poore.+ 13 Sẽn paase, mam na n kõo foo baa bũmb nins fo sẽn pa kosã.+ Mam na n kõ-f-la arzɛk la ziiri,+ hal tɩ f yõor tɛk bɩ rĩm da zĩnd n wõneg foo ye.+

28 Israyɛll nebã sẽn wʋm dĩmã sẽn kao bʋʋdã to-to wã, b waooga rĩmã wʋsgo.*+ Bala b yãame tɩ Wẽnnaam kõ-a-la yam t’a tõe n kao bʋʋd ne tɩrlem.+