9 Yãmb mii vẽeneg tɩ yãmb Wẽnnaam a Zeova n yaa Wẽnnaam sɩd-sɩdã, Wẽnnaam ning sẽn maand sɩda, n pidsd kaool ning a sẽn maan ne neb nins sẽn nong-a la b sakd a noyã, la a maand nin-kãens neer hal n tãag b zãmaan tusa wã.+

23 n yeele: “Israyɛll Wẽnnaam a Zeova, Wẽnnaam a to ka be yĩngr saasẽ, wall tẽngã zug ka n wõnd yãmb ye.+ Yãmb pidsda y kaoolã la y nong y tʋm-tʋmdbã sẽn tũud yãmb ne b sũy fãa wã ne nonglem sẽn pa sate.+ 24 Yãmb pidsa bũmb ning y sẽn pʋlem m ba a Davɩɩdã. Yãmb yaaga y noor n pʋlme, la rũndã yãmb pidsa y pʋlengã ne y nugã pãngã.+ 25 La masã, Israyɛll Wẽnnaam a Zeova, bɩ y kell n pids bũmb ning y sẽn pʋlem m ba a Davɩɩd sẽn yaa y tʋm-tʋmdã. Yãmb da yeel-a lame: ‘Fo kom-dibli wã sã n gũus ne b yel-manesmã, n kẽn mam taoor wa fo sẽn kẽn mam taoorã, fo roogã kõn tol n kong rao sẽn na n zĩnd Israyɛll naam geerã zug ye.’+ 26 La masã, Israyɛll Wẽnnaam, m kot-y lame tɩ y kɩt tɩ yãmb sẽn pʋlem m ba a Davɩɩd sẽn yaa y tʋm-tʋmdã bũmb ningã pidsi.