37 “Kom bɩ bã-loangdg sã n kẽ soolmã pʋgẽ,+ pa rẽ bɩ pems-tʋʋlg sã n kɩt tɩ koodã kʋɩ,+ kood bãaga, kalwaar bɩ sʋy sẽn dɩt wʋsgo, wall b bɛɛb sã n wa gũbg b soolmã tẽng ninga, bɩ yel-beed ning sã n paam-ba, wall bãag n yõk-ba,+ 38 sẽn yaa pʋʋsg ning fãa, bɩ sẽn yaa se-yõkr ning fãa+ la neda, wall Israyɛll nebã fãa sẽn yaa y nin-buiidã maan-yã, (bala ned fãa mii toog ning sẽn be ne-a,)+ b sã n zẽk b nus n tees ro-kãngã, 39 bɩ y zĩnd saasẽ, zĩig ning yãmb sẽn be wã+ n kõ sugr la y sõng y nin-buiidã,+ n keo ned kam fãa wa sẽn zems a tʋʋma.+ Bala yãmb mii sẽn be a sũurẽ, (yãmb y ye bal n sɩd mi sẽn be ninsaal fãa sũurẽ,)+ 40 sẽn na yɩl tɩ b zoe yãmba, wakat ning fãa b sẽn na n zĩnd tẽng ning yãmb sẽn kõ d yaab-rãmbã pʋgẽ.