• 2 Sãmwɛll 23:5
    Gʋls-sõamyã, Dũni-paalgã lebgre

    •  5 Mam doogã yaa woto Wẽnnaam taoore.

      Yẽ maana kaool sẽn paad wakat fãa ne maam,+

      t’a bũmba fãa maneg sõma n zemse, n pa tõe n toeem ye.

      Bala kaoolã na n kɩtame tɩ mam paam fãagr la sũ-noog zãng-zãnga.

      Yaa rẽ la Wẽnnaam sẽn na n pids kaool-kãngã.+

  • Zeremi 33:20, 21
    Gʋls-sõamyã, Dũni-paalgã lebgre

    • 20 “Ad a Zeova sẽn yeele: ‘Yãmb sã n tõog n sãam kaool ning mam sẽn maan wĩndgã wɛɛngẽ, la kaool ning mam sẽn maan yʋngã wɛɛngẽ wã, n gɩdg wĩndg la yʋng tɩ b pa wa b wakate,+ 21 yaa rẽ poor bal la kaool ning mam sẽn maan ne m tʋm-tʋmd a Davɩɩdã na n tõog n sãame,+ t’a pa le paam yageng sẽn na n zĩnd a geerã zug n yɩ rĩm n dɩ naam ye.+ Yaa woto me ne kaool ning mam sẽn maan ne maan-kʋʋdbã sẽn yaa Levi buudã nebã sẽn yaa mam tʋm-tʋmdbã.+