29 Ra yĩm-y tɩ yaa a Zeova n kõ yãmb Vʋʋsg daarã ye.+ Rẽ n so t’a kõt yãmb rasem a yiib rɩɩb rasem a yoob-n-soabã. Ned fãa segd n paa a sẽn beẽ. Ned baa a ye pa segd n yi a zĩigẽ rasem a yopoe-n-soabã ye.”

8 “Tẽegd-y Vʋʋsg daarã yelle, n kɩt t’a kell n yɩ sõngo.+ 9 Yãmb segd n tʋma rasem a yoobe, la y maan bũmb nins fãa y sẽn na n maane,+ 10 la rasem a yopoe-n-soabã yaa vʋʋsg daar yãmb Wẽnnaam a Zeova yĩnga. Yãmb pa segd n tʋm tʋʋmd baa a yembr ye. Yãmb ne y kom-dibli wã, y kom-pugli wã, y yem-daadã, y yem-pogsã, y yir dũmsã, la sãamb nins sẽn be yãmb tẽnsẽ wã.*+ 11 Bala rasem a yoob pʋgẽ, a Zeova maana saasã ne tẽngã la mogrã, la bũmb nins fãa sẽn be b pʋsẽ wã. La rasem a yopoe-n-soabã, a sɩnga vʋʋsgo.+ Yaa rẽ yĩng la a Zeova sẽn ning Vʋʋsg daarã barka, n kɩt t’a lebg sõngã.

12 “‘Tũ-y Vʋʋsg daarã noorã, n kɩt t’a kell n yɩ sõng wa yãmb Wẽnnaam a Zeova sẽn yeel yãmbã.+ 13 Yãmb segd n tʋma rasem a yoobe, la y maan bũmb nins fãa y sẽn na n maane,+ 14 la rasem a yopoe-n-soabã yaa vʋʋsg daar yãmb Wẽnnaam a Zeova yĩnga.+ Yãmb pa segd n tʋm tʋʋmd ye.+ Yãmb ne y kom-dibli wã, y kom-pugli wã, y yem-daadã, y yem-pogsã, y lolsã, y bõensã, y yir dũmsã fãa, la sãamb nins sẽn be yãmb tẽnsẽ wã,*+ sẽn na yɩl tɩ y yem-daadã ne y yem-pogsã me vʋʋs wa yãmba.+