20 A Moyiiz ne a Aarõ maana wa a Zeova sẽn yeelã zĩig pʋgẽ. A Aarõ zẽka rasaarã n wẽ koomã sẽn be Nill kʋɩlgẽ wã a Farawõ ne a tʋm-tʋmdbã taoore, la koomã fãa sẽn be kʋɩlgẽ wã lebga zɩɩm.+

6 Dẽ, a Aarõ tẽega a nug Ezɩpt ko-rãmbã zutu, tɩ lomsã yi n pid Ezɩpt soolmã.

17 B maana woto. A Aarõ tẽega a nugã ne a rasaarã n wẽ tẽngã tom, la rũmpigli n wa ninsaalbã la rũmsã zutu. Tẽngã tom fãa lebga rũmpigli Ezɩpt soolmã fãa pʋgẽ.+

6 A Zeova sɩd maana rẽ vẽkembeoogã bala. Ezɩpt nebã rũmsã buud toor-toorã ra kiidame,+ la Israyɛll nebã rũng baa a ye pa ki ye.

10 Dẽ, b kãdsa bug-vũund wʋng pʋgẽ, n tɩ yals a Farawõ taoore, t’a Moyiiz lob bug-vũundã yĩngri. A lebga nod-tãoods n pukd ninsaalbã la rũmsã zutu.

23 Dẽ, a Moyiiz zẽka a rasaarã n tees yĩngri, la a Zeova kɩtame tɩ sa-tãs la sapɩlem zĩndi, la bugum* n yi yĩngr n lʋɩ tẽngã zugu. A Zeova kell n kɩtame tɩ sapɩlem ni Ezɩpt soolmã pʋgẽ.

12 A Zeova yeela a Moyiiz yaa: “Tẽeg f nug Ezɩpt soolmã zug sẽn na yɩl tɩ sʋy wa pid Ezɩpt soolmã, n wãb tẽngã moodã la tɩɩsã fãa, rat n yeel tɩ bũmb nins fãa sapɩlmã sẽn sãam n kellã.”

21 A Zeova yeela a Moyiiz yaa: “Tẽeg f nug n tees yĩngri, sẽn na yɩl tɩ lik zĩnd Ezɩpt soolmã pʋgẽ. Na n yɩɩ lik sẽn yaa bida.”