30 Rĩmã ra yetame: “Pa Babilon sẽn yaa kãsengã mam mengã sẽn me na-yirã yĩngã la woto sɩda? Mam me-a-la ne m meng pãng la m tõogo, mam naamã ziir yĩnga.”

31 Rĩmã sẽn wa n ket n gomdã, koɛɛg n yi saasẽ n yeele: “Foom a rĩm a Nebukadnezaare, b yeta foo yaa: ‘B reega rĩungã n bas foo,+ 32 la b rig-f n yiis ninsaalbã sʋka. Fo na n tɩ zĩnda ne rũmsã sẽn be weoogẽ wã. Fo na n wãba yamd wa lolsã. Wakat a yopoe na n loogame, hal tɩ fo wa bãng tɩ Sẽn ka-a to wã yaa Naab ninsaalbã soolmẽ, la t’a kõta soolmã ned ning fãa a sẽn date.’”+