Watchtower SƐB VAEESG ZĨIGA

Ezayi 58:11

Gʋls-sõamyã, Dũni-paalgã lebgre
- 11 A Zeova na n wilga yãmb sor wakat fãa,
  la a na n gesa yãmb yell baa tẽn-koɛɛngẽ.+
  A na n paasa y kõabã pãnga.
  Yãmb na n lebga wa zẽed zĩig sẽn paamd koom sõma,+
  la wa ko-bundg sẽn pa tol n sate.

Ezayi 60:18

Gʋls-sõamyã, Dũni-paalgã lebgre
- 18 B pa na n le wʋm nen-kɛglem yell fo soolmẽ wã,
  wall b yã sãoong bɩ raboog fo todsã pʋgẽ ye.+
  
  Fo na n boola f lalsã tɩ Fãagre,+ la f kʋɩlensã tɩ Pẽgre.

Ezayi 62:7

Gʋls-sõamyã, Dũni-paalgã lebgre
- 7 Ra n bas-y tɩ Wẽnnaam vʋʋs baa bilfu, hal t’a wa vigl Zerizalɛm kãn-kãe,
  la hal t’a wa kɩt t’a lebg bũmb dũniyã fãa sẽn pẽgde.”+