• Ezayi 6:11, 12
    Gʋls-sõamyã, Dũni-paalgã lebgre

    • 11 Rẽ la mam sok yaa: “Hal n tãag dabʋre, Zeova?” La a leoka maam yaa:

      “Hal n tãag galʋ-tẽnsã sẽn na n sãam n lebg rabood tɩ ned pa be b pʋsẽ,

      tɩ neb pa le be zagsẽ wã,

      la tɩ soolmã sãam n lebg vɩʋʋgo.+

      12 Hal n tãag a Zeova sẽn na n yiis nebã n zãage,+

      la tẽngã sẽn na n maneg n lebg vɩʋʋgo.

  • Zeremi 26:18
    Gʋls-sõamyã, Dũni-paalgã lebgre

    • 18 “Moresɛt rao a Mise+ togsa bãngr-goam Zida rĩm a Ezekɩyaas+ wakatẽ wã, n yeel Zida nebã fãa yaa: ‘Ad a Zeova sẽn yaa tãb-biis naabã sẽn yeele:

      “B na n koo Siyõ wa pʋʋgo.

      Zerizalɛm na n lebga raboogo.+

      Roogã tãngã* na n lebga wa zĩ-zãnts sẽn be kãgrẽ.”’+

  • Ezekɩyɛll 36:4
    Gʋls-sõamyã, Dũni-paalgã lebgre

    • 4 Woto yĩnga, yãmb a Israyɛll tãense, kelg-y-yã a Zeova sẽn yaa Zu-soab sẽn ka to wã goama! Ad a Zeova sẽn yaa Zu-soab sẽn ka to wã sẽn yet tãensã, kunkubã, kʋɩlsã, londã, raboodã ned sẽn kae b pʋsẽ wã,+ la tẽns nins b sẽn daag n base, tɩ buud nins sẽn gũbg-bã neb nins sẽn põsã zɛ la b yaalã.+