31 Toog na paam neb nins sẽn dabd Ezɩpt n na n tɩ kos sõngrã,+

b rãmb nins sẽn teeg wed-moose,+

b rãmb nins sẽn teeg saar-dãmb* b sẽn yaa wʋsgã yĩnga,

la b teeg wed-rʋʋdba,* b sẽn tar pãng yĩngã.

La b yaool n pa teeg Israyɛll Sõng soabã ye.

Bãmb pa baood a Zeova ye.

 3 La Ezɩpt nebã yaool n yaa ninsaalb bala, b pa Wẽnnaam ye.

B wed-moosã yaa yĩn-nemse, pa bõn-naands nif sẽn pa tõe n yã ye.+

A Zeova sã n tẽeg a nugã,

sẽn sõngd-a a taab na n lak n lʋɩɩme,

la b sẽn sõngd a soabã me na n lʋɩɩme.

Bãmb fãa na n sãama wakat-yɛnga.