• Ezayi 9:7
    Gʋls-sõamyã, Dũni-paalgã lebgre

    •  7 A naamã na n talla paasg n pa tol n sa,

      la laafɩ me pa na n tall saab+

      a Davɩɩd geerã zugu,+ la a rĩungã pʋgẽ ye.

      B na n lugl-a-la kãn-kãe+ n teel-a

      ne tɩrlem+ la ne zemsg+ maasem,

      masã tɛka, la wakat fãa yĩnga.

      Tãb-biis naab a Zeova yẽesmã n na n maan tɩ yɩ woto.

  • Ezayi 11:4, 5
    Gʋls-sõamyã, Dũni-paalgã lebgre

    •  4 A na n bʋʋ nimbãan-dãmb ne zemsgo,*

      la a kibl neb ne tɩrlem n sõng dũniyã sik-m-mens rãmbã.

      A na n wẽe tẽngã ne a noorã rasaare,+

      la a kʋ nin-wẽng ne a no-bɩmsã pemsem.+

       5 Tɩrlem na n yɩɩ a sɛɛg sẽbdga,

      tɩ maan-sɩd yɩ a sɛɛg wĩiri.+

  • Zeremi 23:5
    Gʋls-sõamyã, Dũni-paalgã lebgre

    • 5 A Zeova yeelame yaa: “Daar n wat tɩ mam na n kɩt tɩ yageng* sẽn yaa tɩrg yi a Davɩɩd pendẽ wã.+ Rĩm n na n dɩ naam.+ A na n talla yam-vẽenem, n kaood bʋʋd ne tɩrlem, la a maand sẽn yaa tɩrg soolmã pʋgẽ.+

  • Zakari 9:9
    Gʋls-sõamyã, Dũni-paalgã lebgre

    •  9 Foom a Siyõ bi-pugla, kɩdem sũ-noog wʋsgo.

      Foom a Zerizalɛm bi-pugla, kaas f tõogrã yĩnga.

      Gese! Fo rĩmã wata fo nengẽ.+

      A yaa tɩrga, n wat ne fãagre.*

      A yaa sik-m-meng soaba,+ n zao bõanga.

      A zaoo bõn-bila,* bõn-yãang biiga.+