18 Israyɛll rĩm a Ela biig a Ooze+ naamã yʋʋm a tãab-n-soabã, Zida rĩm a Akaaz+ biig a Ezekɩyaas+ lebga rĩma.

4 Yaa yẽ n sãam zĩ-zãntsã,*+ n wã kugã b sẽn da lugl n pʋʋsdẽ wã, la a kɛ ra-lukã b sẽn lugl n pʋʋsdẽ* wã n lubi.+ Leb n yaa yẽ n sãam zũud waafã a Moyiiz sẽn da maanã.+ Bala hal n tãag wakat kãnga, Israyɛll nebã ra ket n maanda maand sẽn nusd bug-zõos n kõt-a, la b boond bõn-naandgã tɩ zũud waafã.*

31 Bãmb sẽn maan bõn-kãensã fãa n sa wã, tao-tao bala, Israyɛll nebã fãa sẽn da be be wã yik n kẽe Zida tẽnsã pʋsẽ n pãb kugã b sẽn da lugl n pʋʋsdẽ wã n wã, n lub ra-lugsã b sẽn lugl n pʋʋsdẽ*+ wã, n siig zĩ-zãntsã*+ ne tẽn-kugã+ Zida ne Bẽnzame soolmã fãa pʋsẽ, n paas Efrayim ne Manase+ soolmã fãa pʋsẽ, hal n sãam-b zãng fasɩ. Rẽ poore, Israyɛll nebã fãa lebg n leba b tẽnsẽ, tɩ ned kam fãa leb a yiri.