45 “Kãab-wẽn-kãensã fãa+ na n waa yãmb zut hal tɩ wʋm-yã, n tãag y sẽn na n sãam zãnga,+ bala yãmb pa kelg y Wẽnnaam a Zeova koɛɛgã, n tũ a noyã la a tõodã a sẽn taas yãmbã ye.+

12 Mam na n kɩtame tɩ Zida neb nins sẽn kellã sẽn yãk yam n na n tɩ zĩnd Ezɩpt soolmẽ wã ki be. B fãa na n sãama Ezɩpt soolmẽ wã.+ B na n kii zabr pʋgẽ. Kom n na n kʋ-ba. Zabr ne kom n na n kʋ-ba, sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã. B na n lebga bũmb nebã sẽn na n tar n kãabd wẽnga, bũmb sẽn kẽesd rabeem, la kãab-wẽnga. Nebã na n paoogd-b lame.+ 13 Yaa ne zabre, kom la bã-loangdg* la mam na n sɩbg neb nins sẽn be Ezɩpt soolmẽ wã, wa mam sẽn sɩbg Zerizalɛm nebã to-to wã.+ 14 Zida neb nins sẽn kellã sẽn tɩ be Ezɩpt soolmẽ wã pa na n tõog n zoe n yi be, wall b põs n lebg n wa Zida soolmẽ wã ye. B na n tʋlga ne b sũy fãa n lebg n wa zĩnd be, la b pa na n lebg n wa ye. Yaa neb bilf bal n na n tõog n lebg n wa.’”

27 Masã, mam get-b lame, la pa b neer yĩng ye. Yaa sẽn na n kɩt tɩ yel-beed wa b zutu.+ Zabr la kom n na n kʋ Zida neb nins fãa sẽn be Ezɩpt soolmẽ wã, hal tɩ b wa menem zãnga.+ 28 Yaa neb bilf bal n na n põs zabrã n yi Ezɩpt soolmẽ wã, n leb Zida soolmẽ wã.+ Dẽ, Zida neb nins fãa sẽn kellã sẽn wa n na n zĩnd Ezɩpt soolmẽ wã na n bãnga sã n yaa mam goamã n pidsi, bɩ yaa bãmb goamã!”’”