19 Yãmb sã n zẽk y neng n ges saasã, n yã wĩndgã, kiuugã la ãdsã, rat n yeel tɩ bũmb nins fãa sẽn be saasẽ wã, bɩ y ra bas tɩ y yam kẽ-ba, tɩ y wõgemd n waoog-b ye.+ Yãmb Wẽnnaam a Zeova rɩka bõn-kãens n kõ buud toɛy-toɛyã fãa sẽn be tẽngã zugã.

16 Bãmb basa b Wẽnnaam a Zeova noyã fãa tũubu, n dõog sãnem nag-bi a yiibu,+ la b lugl ra-luk n pʋʋsdẽ.*+ Bãmb wõgemdame n pʋʋs bũmb nins fãa sẽn be saasẽ wã*+ la b tũ a Baalle.+

21 A Manase+ sẽn deeg naamã t’a tara yʋʋm piig la a yiibu, la a rɩɩ naam Zerizalɛm yʋʋm pis-nu la a nu.+ A ma wã yʋʋr da yaa a Hɛfziba.

3 A lebs n mee zĩ-zãnts* nins a ba a Ezekɩyaas sẽn da sãamã,+ n me tẽn-kug a Baal yĩnga, la a kɩt tɩ b pees ra-luk b sẽn pʋʋsde,+ wa Israyɛll rĩm a Akaab sẽn da maanã.+ Yẽ wõgemda bũmb nins fãa sẽn be saasẽ wã* taoore, n tũ-ba.+

13 Zerizalɛm rotã ne Zida rĩm-dãmbã rot na n lebga rẽgd wa zĩ-kãngã, rat n yeel tɩ Tofɛte.+ Yaa rot nins fãa zut b sẽn maan maand n kõ wĩntoogã ne kiuugã la ãdsã,*+ la b sẽn pʋdg divẽ kũun n kõ wẽnnaam-dãmb a taabã.’”+

16 A talla maam n kẽng a Zeova roogã saman-bilẽ wã.+ Na maan rap pisi la a nu n da be a Zeova roogã noore, zãongã* ne tẽn-kugrã sʋka. B ra wẽnemda b poay n tees a Zeova roogã, tɩ b nensã tees yaanga. B ra wõgemded n waoogda wĩntoogã sẽn be yaangã.+