• Zeremi 5:31
    Gʋls-sõamyã, Dũni-paalgã lebgre

    • 31 No-rɛɛsdbã togsda bãngr-goam sẽn yaa ziri,+

      tɩ maan-kʋʋdbã tikd tõog ning b sẽn tarã n weoogd nebã.

      Mam nin-buiidã meng nonga yɛlã sẽn yaa woto wã.+

      La saabã sã n wa ta, yãmb na n maana wãna?”

  • Zeremi 6:12-15
    Gʋls-sõamyã, Dũni-paalgã lebgre

    • 12 B rotã na n lebga neb a taab rẽnda,

      n paas b pʋtã la b pagbã.+

      Bala mam na n tẽega m nug n zab ne tẽngã nebã.” Yaa a Zeova n yeele.

      13 “Bala b ned kam fãa baooda zãmb paoongo,+ sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã.

      B ned kam fãa wẽgda a taaba,+ sẽn sɩng ne no-rɛɛsdbã n tãag maan-kʋʋdbã.

      14 B makdame n na n tɩp mam nin-buiidã noadã* yaal-yaale,* n yetẽ:

      ‘Laafɩ beeme! Laafɩ beeme!’

      Tɩ laafɩ yaool n kae ye.+

      15 B zoeta yãnd ne b sẽn maan bũmb nins mam sẽn kisã sɩda?

      B pa zoet yãnd baa bilfu!

      B pa mi yãn-zoeer meng ye!+

      Yaa rẽ yĩng la b sẽn na n lʋɩ sẽn zoe n lʋɩ-bã sʋkã.

      M sã n wa na n sɩbg-ba, b na n lags n lʋɩɩme.” Yaa a Zeova n yeele.

  • Zeremi 27:9
    Gʋls-sõamyã, Dũni-paalgã lebgre

    • 9 “‘“‘Woto wã, ra kelg-y y no-rɛɛsdbã, y bag-bʋgdbã, yãmb neb nins sẽn bilgd zãmsd võorã, y tɩt rãmbã, la y neb nins sẽn maand yel-soalmã sẽn yet yãmb tɩ “Babilon rĩmã pa na n soog yãmbã” ye.

  • Wiisgu 2:14
    Gʋls-sõamyã, Dũni-paalgã lebgre

    • 14 Vẽnegr ning fo no-rɛɛsdbã sẽn yã n togs foomã yaa ziri la zaalem.+

      B pa vẽneg fo kongrã n togse, sẽn na yɩl tɩ f ra kẽng yembd ye.+

      B ra togsda foo vẽnegr sẽn yaa ziri, la goam sẽn tudgdi.+

  • Ezekɩyɛll 22:28
    Gʋls-sõamyã, Dũni-paalgã lebgre

    • 28 La a no-rɛɛsdbã bolga b tʋʋm-tʋmdɩ wã ne goor sẽn yaa pɛɛlga. B paamda zirẽ-be-vẽnegr toor-toore, la b bʋgd zirẽ-be-bagre,+ n yetẽ: “Ad a Zeova sẽn yaa Zu-soab sẽn ka to wã sẽn yeele,” t’a Zeova meng yaool n pa gom ye.