12 Mam goma ne Zida rĩm a Sedesiyaas+ me woto n yeele: “Pid-y Babilon rĩmã yubl-balgdgã, la y sak yẽ ne a nin-buiidã, tɩ rẽ la y na n kell n vɩɩmde.+ 13 Bõe yĩng tɩ sʋʋga,+ kom+ la bã-loangdg+ na n kʋ foo ne f nin-buiidã, wa a Zeova sẽn yeel buud ning sẽn pa na n sak Babilon rĩmã wɛɛngẽ wã?

2 “Ad a Zeova sẽn yeele: ‘Zabr ne kom la bã-loangdg* n na n kʋ+ ned ning sẽn na n pa tẽn-kãngã pʋgẽ. La ned ning sẽn na n tɩ sak* Kalde nebã na n kell n vɩɩmdame. B na n kogla a vɩɩmã,* t’a kell n vɩɩmde.’+

17 T’a Zeremi yeel a Sedesiyaas yaa: “Ad Israyɛll Wẽnnaam a Zeova sẽn yaa tãb-biis Wẽnnaamã sẽn yeele: ‘Fo sã n sak* Babilon rĩmã nanambsã, f na n fãaga f vɩɩmã.* B pa na n yõog tẽn-kãngã bugum me ye. Foo ne f zakã rãmb na n põsame.+