7 Mam na n kɩtame tɩ b bãng mam yʋʋrã sẽn yaa sõngã Israyɛll nebã sẽn yaa mam nin-buiidã sʋka. M pa na n bas tɩ b le sãam mam yʋʋrã sẽn yaa sõngã ye. Woto, buud toɛy-toɛyã na n bãngame tɩ mam yaa a Zeova,+ Sõng soabã sẽn be Israyɛllã.’+

2 A Zeova sẽn yaa tãb-biis naabã yeelame yaa: “Daar-n-kãnga, mam na n yẽesa bõn-naandsã yʋyã soolmã pʋgẽ.+ B pa na n le tẽeg b yell ye. M na n yiisa no-rɛɛsdbã+ ne rẽgdã tʋlsem* soolmã pʋgẽ.