Watchtower SƐB VAEESG ZĨIGA

Watchtower SƐB VAEESG ZĨIGA

SƐB VAEESG ZĨIGA

Ezayi 1:23

Gʋls-sõamyã, Dũni-paalgã lebgre
- 23 Yãmb nanambsã yaa tʋb-pa-wʋmdba, la wagda tʋmd-n-taase.+
  
  B ned kam fãa nonga noor-madgre, la a zoet n pʋgd kũuni.+
  
  Bãmb pa kaood kɩɩb* bʋʋd tɩrga,
  la pʋg-kõor sã n tar a yell n dat tɩ b bʋ, b toog kae ye.+

Ezayi 3:14

Gʋls-sõamyã, Dũni-paalgã lebgre
- 14 A Zeova na n bʋʋ ne a nin-buiidã kãsem-dãmbã la nanambsã. Yẽ yeel-b lame yaa:
  
  “Yãmb yõoga viyn pʋʋgã.
  Bũmb nins yãmb sẽn zu naong rãmbã nengẽ wã bee y zagsẽ wã.”+

Zeremi 21:12

Gʋls-sõamyã, Dũni-paalgã lebgre
- 12 Yãmb a Davɩɩd yagense, ad a Zeova sẽn yeele:
  
  “Kao-y bʋʋd ne tɩrlem yibeoog fãa,
  la y fãag b sẽn fãad a soabã fãadbã nusẽ,+
  tɩ mam sũ-puugrã ra wa widg wa bugum+
  yãmb tʋʋm-wẽnsã yĩnga,
  n dɩtẽ tɩ ned kae n kiisd-a ye.”’+

Mise 2:2

Gʋls-sõamyã, Dũni-paalgã lebgre
- 2 B sã n tʋlg pʋʋgo, b yõkd n deegame.+
  B sã n tʋlg roog me, b reegd-a lame.
  B maanda zãmb n deeg ned roogo,+
  la b maan zãmb n deeg a rogem-pʋɩɩre.