28 T’a Zeezi yeel-b yaa: “Sɩd-sɩda, mam yeta yãmb tɩ wakat ning b sẽn na n lebs n maneg* bũmb fãa wã, Ninsaal biigã sã n wa zaoond a geerã sẽn tar ziirã zugu, yãmb sẽn tũ maamã me na n zaoonda gɛy piig la a yiib zutu, n kao Israyɛll buud piig la a yiibã bʋʋdo.+

12 Tõnd sã n kell n tõog toogo, d na n naag-a lame me n yɩ rĩm-dãmb n dɩ naam.+ La tõnd sã n kɩɩs tɩ d pa mi-a, yẽ me na n kɩɩsame t’a pa mi tõnd ye.+

21 Ned ning sẽn na n tõoge,+ mam na n kõ-a-la sor t’a zĩnd ne maam m geerã zugu,+ wa ma-me sẽn tõoge, n zĩnd+ ne m Ba wã a geerã zugã.

9 B yɩɩnda yɩɩn-paall+ sẽn yete: “Yãmb n zems tɩ reeg seb-pindmã, la y sok a sogdsã. Bala b ra kʋʋ yãmba, la yãmb daa neb Wẽnnaam yĩng ne y zɩɩmã.+ Yaa neb sẽn yit buud toɛy-toɛy pʋsẽ, neb sẽn gomd buud-goam toɛy-toɛya, la neb sẽn yit tẽns toɛy-toɛy pʋsẽ.+ 10 Yãmb kɩtame tɩ b lebg rĩm-dãmb+ la maan-kʋʋdb Wẽnnaam yĩnga,+ la b segd n dɩɩ naam+ tẽngã zugu.”