40 “Sã n yaa ne rĩung a naas-n-soabã, a na n talla pãng wa kutu.+ A na n wãa rĩun-kãens fãa n sãam-b zãnga, wa kut sẽn wãad bũmb fãa la a neemd to-to wã, rat n yeel tɩ wa kut sẽn sãamd bũmb zãng to-to wã.+

41 “Yãmb sẽn yã tɩ naoã ne nao-bi wã zĩis kẽer yaa ne yagd tɩ zĩis sãnda yaa ne kutã, rĩungã na n welgame. La kut pãng n na n zĩnd a pʋgẽ, yãmb sẽn yã tɩ kutã kalma ne yagd sẽn yaa maasrã yĩnga. 42 Nao-bi wã zĩis kẽer sẽn yaa ne kut tɩ zĩis sãnda yaa ne yagdã, rĩungã zĩis kẽer na n talla pãnga, tɩ zĩis sãnda pa tar pãng ye.