• Zeremi 30:10
    Gʋls-sõamyã, Dũni-paalgã lebgre

    • 10 A Zeova yeelame: “Foom a Zakoob sẽn yaa mam tʋm-tʋmdã, ra zoe rabeem ye.

      Foom a Israyɛlle, ra yɛɛs ye.+

      Bala mam na n fãaga foo zĩ-zãrgẽ wã,

      la m fãag f yagensã soolem ning pʋgẽ b sẽn be n yaa yembsã.+

      A Zakoob yagensã na n lebg n wa zĩnda bãane, n pa yɛɛsdẽ,

      tɩ ned kae n kẽesd-b rabeem ye.”+

  • Ezekɩyɛll 39:25, 26
    Gʋls-sõamyã, Dũni-paalgã lebgre

    • 25 “Ad a Zeova sẽn yaa Zu-soab sẽn ka to wã sẽn yeele: ‘Mam na n talla a Zakoob yagens nins sẽn kẽng yembdã n lebg n wa.+ M na n zoee Israyɛll buudã tõr nimbãanega.+ Mam na n wilga ne yẽesem tɩ m yʋʋrã yaa sõngo.+ 26 B sẽn paam paoogr b sẽn pa maan sɩd ne maam n maan bũmb ninsã fãa poore,+ b na n zĩnda soolmẽ wã ne bãane, tɩ ned kae n kẽesd-b rabeem ye.+

  • Ooze 2:18
    Gʋls-sõamyã, Dũni-paalgã lebgre

    • 18 Mam nin-buiidã yĩnga, mam na n maana kaool baraar ne we-rũmsã sẽn be weoogẽ wã,+

      ne bõn-yɩgdɩ wã sẽn yɩgd yĩngrã, la ne bõn-vuudsã sẽn vuud tẽngã.+

      Mam na n kɩtame tɩ tãpo, sʋʋg la zabr da le zĩnd soolmã pʋgẽ,+

      la m kɩt tɩ b gãand* ne bãane.+