1 Pɛrs rĩm a Sirus+ naamã pipi yʋʋmdã, sẽn na yɩl t’a Zeova gomdã a Zeremi+ sẽn da togsã pidsi, a Zeova pirsa Pɛrs rĩm a Sirus t’a yiis koɛɛga, n kɩt tɩ b moon a soolmã fãa pʋgẽ. A kɩtame me tɩ b gʋls koe-kãnga.+ A mooname n yeel yaa:

5 Dẽ, Zida buudã ne Bẽnzame buudã rot taoor dãmba, n paas maan-kʋʋdbã ne Levi buudã neba, rat n yeel tɩ neb nins fãa Wẽnnaam sẽn kɩt tɩ b tʋlg n tʋm tʋʋmdã segla b mense, n na n kẽng n tɩ lebs n me a Zeova roogã sẽn da be Zerizalɛmmã.

8 Pɛrs rĩm a Sirus kɩtame t’a Mitredat sẽn yaa arzɛgsã gũudã yiis teedã, n sõd fãa n kõ a Sesbazaar*+ sẽn yaa Zida soolmã naabã.

14 Sẽn paase, rĩm a Sirus yiisa Wẽnnaam doogã sãnemã la wanzuri wã teed sẽn da be Babilon wẽnd-doogẽ wã, teed nins a Nebukadnezaar sẽn da wʋk Zerizalɛm wẽnd-doogẽ wã n tall n wa Babilon wẽnd-doogẽ wã.+ B wʋka te-kãens n kõ rao yʋʋr sẽn boond t’a Sesbazaare,*+ a Sirus sẽn da yãk t’a yaa guvɛrneerã.+