21 Ned pa be sẽn na n wãag peen-paall n lisg fu-kʋdr ye. A sã n maan woto, peen-paallã na n yõbgame n kɩt tɩ fu-kʋdrã kẽeg n yɩɩg pĩndã.+ 22 Sẽn paase, ned pa na n sui divẽ-paalg wao-kʋd pʋsẽ ye. A sã n maan dẽ, divẽ wã na n kɩtame tɩ waoosã pusi, tɩ divẽ wã ne waoosã fãa yɩ bõne. La nebã suiida divẽ-paalg wao-paal pʋsẽ.”

36 A wẽe yel-bũnd me n yeele: “Ned pa be sẽn na n wãag fu-paall n lisg fu-kʋdr ye. A sã n maan woto, peen-paallã na n kẽega fu-kʋdgã. Sẽn paase, fu-paallã peendã ne fu-kʋdgã pa tokd taab ye.+ 37 Ned pa be sẽn na n sui divẽ-paalg wao-kʋd pʋsẽ me ye. A sã n maan dẽ, divẽ-paalgã na n pusa waoosã tɩ divẽ wã raage, tɩ waoosã me sãame. 38 La b segd n suii divẽ-paalg wao-paals pʋsẽ. 39 Ned kae n na n yũ divẽ-kʋdg n le rat divẽ-paalg ye. Bala a yetame tɩ ‘kʋdgã yaa noogo.’”