35 La a Zeezi sẽn da ket n zãmsd nebã wẽnd-doogẽ wã, a sokame: “Maana wãn tɩ gʋlsdbã yetẽ tɩ Kiristã yaa a Davɩɩd biiga?+ 36 Vʋʋsem sõngã vẽnega+ a Davɩɩd meng t’a yeele: ‘A Zeova* yeela mam Zu-soabã yaa: “Zĩnd mam nug-rɩtgo, n tãag m sẽn na n ning f bɛɛbã f naoã tẽngre.”’+ 37 A Davɩɩd meng boond-a lame tɩ Zu-soaba. Woto wã, a yɩta wãn n yɩ a Davɩɩd biiga?”+

La kʋʋngã sẽn labsã ra kelgd-a-la ne sũ-noogo.

41 La a Zeezi me sok-b lame yaa: “Maana wãn tɩ b yetẽ tɩ Kiristã yaa a Davɩɩd biiga?+ 42 Bala a Davɩɩd meng yeela Yɩɩn-sõamyã sebrã pʋgẽ yaa: ‘A Zeova* yeela mam Zu-soabã yaa: “Zĩnd mam nug-rɩtgo, 43 n tãag m sẽn na n dɩgl f bɛɛbã wa nao-roagendg fo naoã yĩnga.”’+ 44 Dẽnd a Davɩɩd boond-a lame tɩ Zu-soaba. Woto wã, a yɩta wãn n yɩ a Davɩɩd biiga?”