42 La wĩndgã sẽn da kolg kõom tɩ leb n da yaa Seglg daare, rat n yeel tɩ Vʋʋsg daar ket tɩ beoogã, 43 a Zozɛf sẽn yit Arimate n yaa Sãnedrẽ wã ned b sẽn nandã waame. Yẽ me ra gũuda Wẽnnaam Rĩungã. A talla raoodo, n kẽng a Pɩlat nengẽ n tɩ kos a Zeezi kũumã.+

50 La rao n da be t’a yʋʋr boondẽ t’a Zozɛfe, n yaa Sãnedrẽ wã nin-yende. A ra yaa nin-sõng la nin-tɩrga.+ 51 (Ra-kãng pa sak n teel bãmb b sɩlmã la b tʋʋmã pʋgẽ ye.) A ra yita Arimate sẽn yaa Zide nebã tẽng a ye wã pʋgẽ, n da gũud Wẽnnaam Rĩungã. 52 Ra-kãng kẽnga a Pɩlat taoor n tɩ kos a Zeezi kũumã. 53 A sika kũumã+ n vil ne lẽ gĩs-bãanes peende, n mum-a yaoog b sẽn tu tãng pendẽ.+ Yaa yaoog b sẽn nan zɩ n mum kũum a pʋgẽ.