17 A Zeezi sẽn wa n dabd Zerizalɛm, sorã zugu a talla a karen-biis piig la a yiibã n yi kɛɛng n yeel-b yaa:+ 18 “Ade! Tõnd dabda Zerizalɛm, la b na n yõka Ninsaal biigã n ning maan-kʋʋdbã taoor dãmb la gʋlsdbã nusẽ, tɩ b kao a bʋʋd n yeel t’a toga ne kũum.+ 19 B na n ninga yẽ bu-zẽms neb nusẽ tɩ b yaal-a, n pãb-a ne kalwaas la b kʋ-a ra-luk zugu.+ La rasem a tãab-n-soabã daare, a na n vʋʋgame.”+

31 Sẽn paase, a sɩngame n wilgd-b tɩ Ninsaal biigã segd n paama namsg wʋsgo, tɩ kãsem-dãmbã ne maan-kʋʋdbã taoor dãmb la gʋlsdbã na n zãgs-a lame, tɩ b na n kʋ-a lame,+ la tɩ rasem a tãab-n-soabã daare, a na n vʋʋgame.+

31 Bala a ra zãmsda a karen-biisã n yet-b yaa: “B na n zãmba Ninsaal biigã, n ning-a nebã nusẽ, la b na n kʋ-a lame.+ La baa b sẽn na n kʋ-a wã, rasem a tãab-n-soabã daare,* a na n vʋʋgame.”+

22 La a paasame: “Ninsaal biigã segd n paama namsg wʋsgo, tɩ kãsem-dãmbã ne maan-kʋʋdbã taoor dãmb la gʋlsdbã zãgs-a. B na n kʋ-a lame,+ tɩ rasem a tãab-n-soabã daar bɩ a vʋʋge.”+

31 Rẽ poore, a peega Piig la a yiibã n yi kɛɛng n yeel-ba: “Ade! Tõnd dabda Zerizalɛm, la bũmb nins fãa no-rɛɛsdbã sẽn gʋls Ninsaal biigã zugã na n pidsame.+ 32 Wala makre, b na n yõk-a lame n ning bu-zẽmsã neb nusẽ.+ B na n yaal-a lame,+ n nams-a, la b tʋbs-a kolkoodo.+ 33 B sã n pãb-a ne kalwaas n sa, b na n kʋ-a lame.+ La rasem a tãab-n-soabã daare a na n vʋʋgame.”+