7 Nin-kãens loogr poore, a Zeezi sɩnga a Zã yell goama, n yeel kʋʋngã yaa: “Bõe la yãmb yi n tɩ ges we-raoogẽ wã?+ Tãnwĩig sobg sẽn da lengd bɩ?+ 8 La yɩɩ bõe la yãmb sẽn yi n tɩ gesã? Rao sẽn yer fut ligd sẽn toe* bɩ? Ayo. Neb nins sẽn yer fut ligd sẽn yaa toogã bee rĩm-dãmb zagsẽ. 9 Pʋd n yɩɩ bõe yĩng la yãmb sẽn yi wã? Yaa sẽn na n tɩ ges no-rɛɛs bɩ? N-ye. Mam yeta yãmb t’a yɩɩda no-rɛɛs hal zĩig sẽn zãre.+ 10 Yaa yẽ yell la b sẽn gʋls n yeele: ‘Kelg-y-yã! Mam na n tʋma m koe-taasdã t’a reng fo taoore.* Yẽ na n lʋɩɩ fo taoor n maneg f sorã.’+ 11 Sɩd-sɩda, mam yeta yãmb tɩ pagb sẽn dog b rãmbã sʋka, ned sẽn yɩɩd a Zãmbatiis nan pa zĩnd ye. La ned sẽn yaa bilf saasẽ Rĩungã pʋgẽ yɩɩda yẽnda.+