24 La haya! Sob-kãseng n yik mogrã zugu, tɩ ko-pɛmã zẽkd koomã tɩ kẽed koglgã pʋgẽ. La a Zeezi ra gõeeme.+ 25 B kolgame n nek-a n yeele: “Zu-soaba, fãag-y-do. Tõnd na n kiime!” 26 La a yeel-b lame: “Yãmb a tẽeb bilf rãmba, bõe yĩng tɩ yãmb yɛɛsd* woto?”+ Rẽ poore, a yikame n tãs sobgã ne mogrã, la zĩigã lebga sɩddd.+ 27 Rẽ linga karen-biisã wʋsgo, tɩ b yeele: “Nin-kãngã yaa bõe neda? Baa sobgã ne mogrã sakd-a lame.”

37 La sob-kãseng n yiki, tɩ ko-pɛmã zẽkd n kẽed koglgã, hal t’a rat n pidi.+ 38 La a Zeezi ra bee koom-koglgã poorẽ, n kʋgl zu-kʋk n gõe. Dẽ, b nek-a lame n yeele: “Karen-saamba, tõnd sẽn na n ki wã pa pak yãmb la?” 39 A yikame n tãs sobgã la a yeel mogrã: “Sĩndi! Bas bʋʋre!”+ La sobgã yõkame, tɩ zĩigã lebg sɩddd. 40 Dẽ, a sok-b lame: “Bõe yĩng tɩ yãmb yɛɛsd* woto? Yãmb ket n pa tar tẽeb baa bilf la?” 41 La b yɛɛsa wʋsgo, n yet taaba: “Nin-kãngã yaa bõe ned menga? Baa sobgã ne mogrã sakd-a lame.”+