25 “Rẽ n so tɩ mam yet yãmb yaa: Ra le maan-y yɩɩr+ ne y vɩɩmã* yelle, rat n yeel tɩ yãmb sẽn na n dɩ bũmb ninga, wall y sẽn na n yũ bũmb ninga, pa rẽ bɩ ne y yĩngã yelle, rat n yeel tɩ y sẽn na n yeelg bũmb ning ye.+ Ninsaal vɩɩmã* yõod pa yɩɩd rɩɩbo, tɩ yĩngã yõod yɩɩd fut sɩda?+ 26 Maag-y y yĩng n ges bõn-yɩgdɩ wã sẽn yɩgd yĩngrã.+ Bãmb pa bʋte, b pa kẽebde, la b pa tigsd bao pʋsẽ me ye. La yãmb Ba sẽn be saasẽ wã rɩlgd-b lame. Yãmb yõod pa yɩɩd bõn-yɩgdɩ wã sɩda? 27 Yãmb sʋka, ãnda n tõe n paas a vɩɩmã woglem kãntɩɩg* a yembre, a sẽn maand yɩɩr yĩnga?+ 28 La bõe yĩng tɩ y maand yɩɩr fut poorẽ? Ges-y rulg-lɛlmã sẽn be weoogẽ wã sẽn bɩt to-to wã, n dɩk yam. B pa tʋmde, la b pa wĩid gĩs me ye. 29 La mam yeta yãmb tɩ baa a Salomo+ ne a ziirã fãa, a pa tõog n maneg a meng wa rulg-lelem-kãensã a yembr ye. 30 Yãmb a tẽeb bilf rãmba, Wẽnnaam sã n nagsd mood sẽn be weoogẽ rũndã, tɩ b na n dɩk-b n lob bugmẽ beoogã, a kõn sõng yãmb n yɩɩg tɩ y paam fut sɩda?

6 Da maan-y yɩɩr baa fʋɩ poorẽ ye.+ La bũmb fãa pʋgẽ, bɩ y tũnug ne pʋʋsg la se-yõkr ne bark pʋʋsgo, n wilg Wẽnnaam bũmb nins y sẽn kotã,+