13 Ra le rɩk-y y yĩnsã* me n kõ yel-wẽndã tɩ yɩ tʋʋm-kɛg zab-teed ye. Rɩk-y y mens n kõ Wẽnnaam wa neb sẽn vʋʋg n yi kũ-rãmb sʋka, la y rɩk y yĩnsã* me n kõ Wẽnnaam tɩ yɩ tɩrlem zab-teedo.+

4 La Wẽnnaam nimbãan-zoeerã+ sẽn yaa kãsengã yĩnga, n paas a sẽn nong tõnd+ ne nonglem-kãsengã yĩnga, 5 a kɩtame tɩ tõnd naag Kiristã n lebg vɩɩse, baa tõnd sẽn da ki d beegrã pʋgẽ wã. Yaa Wẽnnaam barkã* maasem yĩng la yãmb paam fãagre.