28 “Yãmb tagsg yaa bõe ne yãoã? Rao n da tar kamb a yiibu. A kẽnga pipi soabã nengẽ n yeel-a: ‘M biiga, kẽng n tɩ tʋm viyn pʋʋgẽ wã rũndã.’ 29 T’a leok n yeele: ‘M pa na n kẽng ye.’ La rẽ poore, a toeema yam n kẽnge. 30 Ba wã kolga yiib-n-soabã n yeel yẽ me woto. Bi-kãng leokame: ‘M baaba, m na n kẽngame,’ la a pa kẽng ye. 31 B yiibã sʋka, bʋg n maan a ba wã raabo?” Tɩ b leok yaa: “Pipi soabã.” T’a Zeezi yeel-ba: “Sɩd-sɩda, mam yeta yãmb tɩ yõor-yaood dɛɛgdbã ne pʋg-yoaadbã na n denga yãmb Wẽnnaam Rĩungã pʋgẽ.