59 Maan-kʋʋdbã taoor dãmb ne Sãnedrẽ wã neb fãa ra baooda bũmb n na n dõd a Zeezi n paam n kʋ-a.+ 60 La baa neb wʋsg sẽn wa n kõ kaset sẽn pa sɩdã, b pa yã bũmb ye.+ Sẽn yɩ bilfu, neb a yiib n kolg 61 n yeele: “Nin-kãngã yeelame: ‘Mam tõe n sãama Wẽnnaam doogã, n lebs n me-a rasem a tãab pʋgẽ.’”+

39 La so-loaadbã ra yaand-a lame,+ la b gird b zut+ 40 n yetẽ: “Fo sẽn da rat n tus wẽnd-doogã n lub la f lebs n me-a rasem a tãab pʋgẽ wã,+ fãag f menga! Fo sã n yaa Wẽnnaam biiga, bɩ f sig namsg ra-lukã* zugu!”+

57 Sẽn paase, neb kẽer n yik n kõ kaset sẽn pa sɩd n dõd-a n yeele: 58 “Tõnd wʋmame t’a yetẽ: ‘Mam na n sãama wẽnd-do-kãngã sẽn yaa ninsaalb nus n me wã, la rasem a tãab pʋgẽ, m na n lebs n mee a to sẽn pa ninsaalb nus n me ye.’”+