25 Wakat kãnga, a Zeezi yeelame yaa: “M Ba sẽn yaa yĩngr la tẽng Zu-soaba, mam pẽgda yãmb nebã taoore, bala yãmb solga bõn-kãensã ne yam dãmbã la ne bãngdbã, la y yaool n vẽneg-b ne kom-bõonego.+

26 Bala m saam-biisi, yãmb yãame tɩ Wẽnnaam sẽn bool yãmbã, pa neb wʋsg yãmb sʋkã n da yaa neb sẽn yaa yam dãmb ninsaalbã nifẽ,+ neb sẽn tar pãnga, la neb sẽn dog ne naam* ye.+ 27 La Wẽnnaam yãka dũniyã bũmb nins nebã sẽn get wa yalemdã, sẽn na yɩl n ning yam dãmbã yãnde. Sẽn paase, Wẽnnaam yãka dũniyã bũmb nins nebã sẽn get tɩ b ka pãngã, n na n ning bũmb nins sẽn tar pãngã yãnde.+