9 “Lebg-y tao-tao n kẽng m ba wã nengẽ, la yãmb segd n yeel-a lame yaa: ‘Ad yãmb biig a Zozɛf sẽn yeele: “Wẽnnaam yãka maam tɩ m lebg Ezɩpt soolmã fãa zu-soaba.+ Bɩ y wa mam nengẽ. Ra bas-y tɩ kaoos ye.+ 10 Yãmb segd n zĩnda Gosɛn+ soolmẽ wã, zĩig ning y sẽn na n pẽneg maamã: Yaa yãmb ne y kambã la y yagensã, n paas y rũm-bõonegã la y rũm-bɛdã, la bũmb nins y sẽn so wã. 11 Mam na n kõta yãmb rɩɩb be, bala yʋʋm a nu kom n kete.+ Sã n pa rẽ, yãmb ne y zakã rãmb na n lebga naong rãmba, la bũmb nins y sẽn so wã na n sãamame.”’