5 Dẽ, a ges-b-la kuii, n tẽed t’a na n paama bũmb b nengẽ. 6 La a Pɩyɛɛr yeelame: “Mam pa tar wanzuri ne sãnem ye. La yaa bũmb ning mam sẽn tarã la m kõt foom. Ne Nazarɛt rao a Zeezi Kirist yʋʋre, yik n kẽne!”+ 7 Rẽ poore, a gãda a nug-rɩtgã n tak-a t’a yiki.+ Zĩig pʋgẽ, a karsã ne a nao-sẽbã lebga kɛgemse,+ 8 t’a yɩk n tĩims a naoã zut+ n sɩng kẽna. A pʋg-b lame n kẽ wẽnd-doogẽ wã, n kẽnd la a yɩkd n tĩimsdẽ la a pẽgd Wẽnnaam.

8 La a Pibilyuus ba wã ra gãee ne yĩn-wɩngr la sãb-noaadga, t’a Poll kẽ a nengẽ n pʋʋs la a tik-a ne a nus n sãoog-a.+ 9 Bõn-kãng sẽn maanã poore, ko-sʋk tẽngã neb a taab sẽn da yaa bãad-rãmb sɩngame n wat a Poll nengẽ n paamd sãoogre.+