36 Yaa wa b sẽn gʋlsã: “Yãmb yĩnga, b kʋʋda tõnd daarã tõre. B geta tõnd wa piis b sẽn na n koode.”+

23 B yaa Kirist tʋm-tʋmdb bɩ? Mam leokda wa gãeenga. Mam wilga ne manesem-kãsems tɩ m yaa Kirist tʋm-tʋmd n yɩɩd bãmba: Mam tʋmame n yɩɩg bãmba.+ B paga maam bãens roog naoor wʋsg n yɩɩg bãmba.+ B pãba maam naoor ka tɛka. Mam kolga kũum naoor wʋsgo.+ 24 Naoor a nu, Zʋɩf-rãmbã pãba maam ne kalwaas a ye ka pis-naase.*+ 25 Naoor a tãab la b pãb maam ne rasaba.+ Vugri, b loba maam kuga.+ Naoor a tãab la koom-kogend sãam tɩ mam be b pʋsẽ.+ Mam paa mogrẽ wĩndg la yʋng tõre. 26 Mam toga sor naoor wʋsgo. Mam paama zu-loees kʋɩls zutu. Mam paama zu-loees fãadb nusẽ. Mam paama zu-loees mam meng buudã neb nusẽ.+ Mam paama zu-loees bu-zẽmsã neb nusẽ.+ Mam paama zu-loees galʋ-tẽngã pʋgẽ.+ Mam paama zu-loees we-raoogẽ wã. Mam paama zu-loees mogrã zugu. Mam paama zu-loees zirẽ-be-saam-biisã sʋka. 27 Mam tʋma wʋsg n kaag m neng tʋʋlgo. Yʋnd wʋsgo, mam pa gũs ye.+ Kom la ko-yũud yõka maam.+ Rɩɩb paooga maam naoor wʋsgo.+ Waood yõka maam, la fut paooga maam.*