3 La a Soll sɩnga tigingã neb namsgo. A ra kẽeda roog fãa pʋgẽ, n yiisd rap la pagb n kẽnd n kõtẽ tɩ b kẽesd bãens roogo.+

9 La a Soll sẽn da ket n kis Zu-soabã karen-biisã wʋsgã, la a bugsd-b t’a na n kʋ-b lame wã yĩnga,+ a kẽnga maan-kʋʋdb kãsmã nengẽ, 2 n kos-a t’a gʋls sɛb n kõ-a t’a tɩ kɩs Damaas tigsg rotã neba, sẽn na yɩl n tõog n sẽb neb nins fãa a sẽn na n yã tɩ b tũud Zu-soabã sorã,+ pagb la rap fãa, n tall-b n wa Zerizalɛm.

13 Sãmbg kae tɩ yãmb wʋma mam manesem sẽn da yaa to-to Zʋɩf-rãmbã tũudmã pʋgẽ wã.+ Yãmb wʋmame tɩ mam da namsda Wẽnnaam tigingã hal tɩ loog nugu, la m sãamd-a.+