3 Mam da sagla foom tɩ f pa Efɛɛz m sẽn wa n dat n kẽng Masedoannã. Mam le sagenda foom tɩ f maan woto, sẽn na yɩl tɩ f yeel neb kẽer tɩ b ra zãms nebã zãmsg a to, 4 la tɩ b ra kelg soalem+ la yaab-rãmb rot sõadg ye. Bõn-kãens pa wat ne bũmb sẽn tar yõod ye.+ B wata ne no-koɛɛm bala, n pa wat ne baa fʋɩ sẽn yit Wẽnnaam nengẽ n kengd tẽeb ye.

7 La ra kelg soalem nins sẽn paoogd Wẽnnaam,+ wa b rãmb nins pʋg-yãansã sẽn solemdã ye. La bɩ f modg wʋsg* sẽn na yɩl n sak Wẽnnaam.

9 La bɩ f ra kẽes f toog no-koɛɛm sẽn yaa yalemd pʋsẽ, yaab-rãmb rot yɛlẽ, Tõogã poorẽ kɩɩs-taab la a zab pʋsẽ ye. Bala b pa nafd neda, la b yaa bõn-vɩɩd me.+