5 Yãmb sã n sak mam koɛɛgã neere, la y sak mam kaoolã, hakɩɩka, yãmb na n lebga mam buud sẽn yaa toor zall buud toɛy-toɛyã fãa sʋka,+ bala tẽngã tõr yaa maam n so.+ 6 Yãmb na n lebga rĩm-dãmb ne maan-kʋʋdba, la buud sẽn yaa sõng mam yĩnga.’+ Yaa gom-kãensã la fo segd n tɩ togs Israyɛll nebã.”

6 Bala yãmb yaa buud sẽn welg toor y Wẽnnaam a Zeova yĩnga. Yãmb Wẽnnaam a Zeova yãka yãmb tɩ y lebg a nin-buiidu, buud sẽn yaa toor zall buud toɛy-toɛyã fãa sẽn be tẽngã zugã sʋka.+

15 Yaa yãmb yaab-rãmbã bal la a Zeova kolg-yã, n wilg-b a nonglem. La a yãka yãmb sẽn yaa b kamb la b yagensã+ buud a taabã sʋka, wa sẽn yaa to-to ne yãmb rũndã wã.

17 A Zeova sẽn yaa tãb-biis naabã yeelame yaa: “Daar ning mam sẽn na n yãk neb tɩ b lebg buud sẽn yaa toor zallã,+ b na n yɩɩ mam dẽnda.+ Mam na n zoee b nimbãanega, wa rao sẽn zoet a biig sẽn tʋmd n kõt-a nimbãaneg to-to wã.+