51 Ade! Mam togsda yãmb yel-soalgdg sẽn yaa sõngo: Tõnd fãa pa na n ki* ye. La tõnd fãa na n toeema+ 52 zĩig pʋgẽ, nif kamsg pʋgẽ, yaoolem tãntãoogã peebg sasa. Bala tãntãoogã na n peebame,+ la sẽn ki-bã na n vʋʋga ne yĩng sẽn pa tõe n põoge, tɩ tõnd me toeeme.

16 Bala Zu-soabã meng na n yii saasẽ n sigd la a kõt noy ne malɛgs naab+ koɛɛga, la a zãad Wẽnnaam tãntãoogo. La neb nins sẽn ki Kirist pʋgẽ wã na n deng n vʋʋgame.+ 17 Rẽ poore, tõnd a neb nins sẽn na n ket n vɩ wã na n naaga sẽn na n vʋʋg-bã, tɩ b zẽk tõnd sawat+ pʋsẽ tɩ d tɩ seg Zu-soabã+ yĩngri. Woto, tõnd na n paa ne Zu-soabã wakat fãa yĩnga.+