Ezekɩyɛll sebre
27 A Zeova le goma ne maam n yeele: 2 “Sã n yaa ne foom a ninsaal biiga, yɩɩl sũ-sãang yɩɩll* Tɩɩr yĩnga,+ 3 n yeel Tɩɩr yaa:
‘Foom a tẽng ning sẽn be mogrã rignoyẽ wã,
sẽn leebd ne buud toɛy-toɛy sẽn be ko-sʋk tẽns wʋsg pʋsẽ wã,
ad a Zeova sẽn yaa Zu-soab sẽn ka to wã sẽn yeele:
“Foom a Tɩɩr meng yeelame yaa: ‘Mam neermã zemsa zãnga.’+
4 Fo soolmã bee mogrã tẽn-sʋka,
tɩ fo metbã kɩt tɩ fo neermã zems zãnga.
5 Fo yaa wa koom-koglgo. B maana fo ra-pɛgdã fãa ne Seniir zenevirie tɩɩs raado,+
la b tall Libã sɛɛdr tɩɩg raoog n maan ra-wok sẽn yas sell n ning foo.
6 B maana fo gaadsã b sẽn tar n gaad koomã ne Basan sɛnn tɩɩs raado,
la b maan f taoorã ne sɩprɛs tɩɩs raado, n nags ne wob-yẽn sẽn yit Kitim+ ko-sʋk tẽnsẽ wã.
7 Ezɩpt lẽ gĩs sẽn yaa kõbg toor-toor la b tall n maan fo peendã,
la b maan pɛɛl nins sẽn lud foo wa zãndã ne gĩs sẽn yaa kẽeg haoo* la rũms kõbd gĩs sẽn yaa miid-miid sẽn yit Eliisa+ ko-sʋk tẽnsẽ wã.
8 Sɩdõ ne Arvaad neb+ n da yaa fo neb nins sẽn gaad koomã.
Foom a Tɩɩre, yaa fo mengã neb sẽn tar minim n da yaa f koom-koglg pʋgẽ tʋm-tʋmdba.+
9 Geball neb+ sẽn tar minim* la sẽn tar bãngr n da yẽt fo raadã sẽn bogl taab zĩis ninsã.+
Mogrã zug koom-kogendã fãa ne neb nins sẽn be b pʋsẽ n tʋmdẽ wã ra wata fo nengẽ n leebdẽ.
10 Pɛrs ne Luud la Put neb+ n da naag fo tãb-biisã, f zabr gãndaadã.
B ra yagenda b gãndã la b kut pugli wã fo pʋgẽ, n da kõt foo ziiri.
11 Arvaad neb nins sẽn da naag fo tãb-biisã ra yasa fo lalgã zugu, n gũbg foo.
Gãndaad n da get fo gasdã yelle.
B ra yagenda b gãn-gilsã fo lalgã zug n gilgi,
tɩ kɩt tɩ fo neermã ra zems zãnga.
12 “‘“Tarsiis+ nebã ra leebda ne foo f arzɛkã sẽn yaa wʋsgã yĩnga.+ B ra wata ne wanzuri, kutu, waasd la namd n tekd ne fo teedã.+ 13 Yavan ne Tuball+ la Mesɛk+ nebã ra leebda ne foo. B ra wata ne yembs+ la teed sẽn maan ne zũudu, n tekd ne teed nins fo sẽn koosdã. 14 A Togarma yagensã+ ra wata ne tʋʋm wed-moos la zabr wed-moose, n paas bõn-wees* n tekd ne fo teedã. 15 Dedan+ nebã ra leebda ne foo. Fo ra rɩka ko-sʋk tẽns wʋsg toandb tʋʋma. B ra wata ne wob-yẽn+ la ra-sabl sẽn tar yõod wʋsg n yaood-f fadgo.* 16 Edom nebã ra leebda ne foo fo sẽn tar teed wʋsgã yĩnga. B ra wata ne tirkowaaz kuga, rũms kõbd gĩs sẽn yaa miid-miidu, fut sẽn gʋl kõbg toor-toore, pɛɛl sẽn wʋg ne gĩs-bãanese, koray-rãmb* la rubi kuga, n tekd ne fo teedã.
17 “‘“Zida ne Israyɛll soolmã neb ra leebda ne foo. B ra wata ne Minit bɩle,+ rɩɩb sẽn yaa sõma wʋsgo, sɩɩdo,+ kaam la bomiye kaam*+ n tekd ne fo teedã.+
18 “‘“Damaas+ nebã ra leebda ne foo fo sẽn tar teed la arzɛk wʋsgã yĩnga. B ra wata ne Ɛlbon divẽ la Zahaar pe-kõbd n koosd ne foo. 19 Vedan ne Yavan sẽn be Uzallã neb ra wata ne kut sẽn kudi, kass* la raad sẽn tar yũ-noogo, n tekd ne fo teedã. 20 Dedan+ nebã ra wat n koosda fut sẽn tar n maand rũms gay* ne foo. 21 Fo ra rɩka Araab-rãmbã ne Kedaar+ nanambsã fãa tʋʋma. B ra koosda pe-bi ne pe-raad la bʋʋse.+ 22 Saba ne Raama+ toandbã ra leebda ne foo. B ra wata ne parfẽ buud fãa sẽn yaa sõma wʋsgo, kug-neeb la sãnem n tekd ne fo teedã.+ 23 Haran,+ Kane la Edɛn+ nebã n paas Saba+ ne Asʋʋr+ la Kilmaad toandbã ra leebda ne foo. 24 B ra koosda fu-neeb fo raagẽ wã, n paas koab sẽn maan ne pɛɛl sẽn yaa kẽeg haoo n gʋl kõbg toor-toore, la tapi-rãmb sẽn tar kõbg toor-toore. B ra sẽbda b fãa ne wĩy kãn-kãe.
25 Tarsiis koom-kogendã+ ra tongda taab n wʋkd fo koosmã,
hal tɩ fo ra be mogrã sʋk n pid ne teed wʋsgo.*
26 Neb nins sẽn gaad koomã tɩ fo kẽndã talla foo n kẽng mogrã zĩis nins koomã sẽn gudgdã.
Yaang sobgã kɩtame tɩ fo sãam mogrã sʋka.
27 Fo lʋɩɩsã daare,+ fo arzɛkã, fo teedã, fo koosmã, fo neb nins sẽn be fo pʋgẽ n tʋmdẽ wã,
neb nins sẽn yẽt fo raadã sẽn bogl taab zĩis ninsã, sẽn koosd-b fo teedã,+ la f zabr gãndaadã fãa,+
rat n yeel tɩ kʋʋngã* tõr sẽn be fo pʋgẽ wã,
b fãa na n bõra mogrã sʋka.
28 Neb nins sẽn be fo pʋgẽ n tʋmdẽ wã sã n wa kaase, soolem nins sẽn be mogrã noorã na n digimdame.
29 Sẽn gaad-b koomã, ne neb nins sẽn tʋmd koom-kogend pʋsẽ wã fãa
na n yii b koom-kogendã pʋsẽ n yaas tẽn-koɛɛngẽ wã.
30 B na n zẽka b koees n yãb ne sũ-toog fo yĩnga,+
n yugd b zutã tom la b bilimd tompɛglmẽ.
31 B na n põnga b zutã, la b sẽgen boto.
B na n yãba ne sũ-toog fo yĩnga, la b wiis wʋsgo.
32 B sã n wa yãbda, b na n yɩɩnda sũ-sãang yɩɩl la b wiisd fo yĩng n yetẽ:
‘Tẽn-bʋg n yaa wa Tɩɩr sẽn be mogrã sʋk n yaa sɩɩ masã wã?+
33 Fo teedã sã n da yi mogrã sʋk n wa, sekda buud wʋsg neba.+
Fo arzɛkã sẽn yaa wʋsgã ne teed nins fo sẽn da koosdã kɩtame tɩ dũniyã rĩm-dãmb paam arzɛgs wʋsgo.+
35 Ko-sʋk tẽnsã neb fãa na n gesa foo ne lingri,+
tɩ b rĩm-dãmbã rig rabeem.+ B fãa nensã na n midgame.
36 Buud toɛy-toɛyã toandbã na n yaala* foo, bũmb ning sẽn paam foomã yĩnga.
Fo saabã na n yɩɩ zĩig pʋgẽ. A na n yɩɩ toaaga.
Fo na n menema wakat fãa yĩnga.’”’”+