Yɩɩn-sõamyã sebre
Yɩɩlã taoor soab yĩnga. Segd n wẽeme tɩ zems Mahalate.* Maskɩlle.* A Davɩɩd yɩɩlle.
“A Zeova kae ye.”+
B tʋʋm-kɛgã yaa tʋʋm-yoodo, tɩ Wẽnnaam kis rẽ.
Ned baa a ye pa maand sẽn yaa sõma ye.+
2 La Wẽnnaam bee saasẽ n sulgd n get ãdem-biisã,+
n na n ges ned yam sẽn wek sã n bee b sʋka, ned sã n bee b sʋk n baood a Zeova.+
3 B fãa bʋdgame.
B fãa yaa nin-yoodo.
Baa a ye pa maand sẽn yaa sõma ye.
Baa nin-yɛng menga.+
4 Tʋʋm-wẽns-maandbã baa a yembr pa wʋmd yɛlã võor la?
Bãmb wãbda mam nebã wa b sẽn wãbd buri.
B pa pʋʋsd a Zeova ye.+
5 La rabeem-kãseng n na n yõk-ba.
Yaa rabeem sẽn nan zɩ n yõk-ba.*
Bala Wẽnnaam na n sãeega sẽn zabd-b ne yãmbã* kõaba.
Yãmb na n ning-b-la yãnde, bala a Zeova raag-b lame n base.
6 Bɩ Israyɛll fãagrã yi Siyõ n wa!+
A Zeova sã n wa tigim a neb nins sẽn da be yembdã,
bɩ a Zakoob yagensã maan sũ-noogo. Bɩ a Israyɛll yagensã kɩdem sũ-noogo.